ध्रुबिय बिपत्तिहरु

ध्रुबिय बिपत्तिहरु

युग चेतना

युग चेतना

यातनाको संस्कार

यातनाको संस्कार

पुण्य-शिल संकल्प

पुण्य-शिल संकल्प

फेसबुक र फेरि अर्को विलयन

फेसबुक र फेरि अर्को विलयन

प्रयाबरणका दच्काहा साँझहरु

प्रयाबरणका दच्काहा साँझहरु

मृत प्रेयसीहरु

घरका बुइंगलमा तिम्रा आँखाहरु


छातीमा जमरा उमारेको हेरेर

प्रेमोत्कर्षमा जीवनको टेन्डर हाल्दैछन!



पलायनको धरातल मैनबत्तीको शिखाझैं

रातको प्रहर बाहुनडाँडाको रुप खोज्दै

हाम्रा सम्बन्ध-बिच्छेदको क्योटो प्रोटोकलमा सहिछाप गर्दैछ!



यसैले आगोको परिकार खाएर

तापको संकष्ट ल्याउने सुर्यसंग

मेरा लिंगहरु को खोजिगर्न

सर्च अभियानमा जुटेका छन मथिंगलहरु!



डोटेली संस्कारको परिधानमा सुसज्जित

एकहुल एकीकरणबादी मनहरु

ब्यग्र हिमपातको प्रतीक्षा गर्दै बसेका छन,

आगोको परिकार खाएर तापको संकष्ट ल्याउने सुर्य

मेरा सपनाहरु लाइ प्लाष्टिकको दुधेमुन्टा चुसाउदै छ!



हार्बरफ्रन्टको किनारतिर बरालिने

मनका सन्नाटाहरु जीवनस्नान गर्दै

पुस्तैनी शिलालेखहरुमा

मल्यार्पण गर्दैछन हिजोका कठिन दिनहरु!



मनमुटु हराएका बेला मुर्छित संवेगहरु

बरफबारीमा कैद लिंगहरु हेरेर

क्युरियोका सम्बन्धहरु खोज्दैछन!



यस्तो बेला कसैले सिमसारमा

काँचा सपनाहरुको फसल नकाटे हुन्छ,

बधशालाहरु मा जवानीमै काटिएका लिंगहरु

हत्याका कन्सर्टहरू बाटै खोज्दैछन आफ्ना मृत प्रेयसीहरु!!



बलदेव भट्ट"बिहानी"

जोगबुढा, डडेल्धुरा

हाल: सिंगापुर